Mateo 22
|
Matthew 22
|
| Ug kanila misulti si Jesus pag-usab pinaagi sa mga sambingay, nga nag-ingon, | And Jesus answered and spake again in parables unto them, saying, |
| "Ang gingharian sa langit sama sa usa ka hari nga naghimog kombira sa kasal alang sa iyang anak nga lalaki, | The kingdom of heaven is likened unto a certain king, who made a marriage feast for his son, |
| ug nagsugo sa iyang mga ulipon sa pagtawag sa mga dinapitsa kombira sa kasal; apan nanagdumili sila sa pagtambong. | and sent forth his servants to call them that were bidden to the marriage feast: and they would not come. |
| Ug nagpaadto na usab siyag uban pang mga ulipon nga iyang giingnan, `Ingna ang mga dinapit, Tan-awa, nahikay ko na ang akong kombira, naihaw na ang akong mga baka ug ang akong mga nati nga pinatambok, ug andam na ang tanan; busa, pangadto na kamo sa kombira.` | Again he sent forth other servants, saying, Tell them that are bidden, Behold, I have made ready my dinner; my oxen and my fatlings are killed, and all things are ready: come to the marriage feast. |
| Apan ang mga dinapit wala lang manumbaling niini ug nanglakaw hinoon sila, usa paingon sa iyang uma, ug usa paingon sa iyang patigayon, | But they made light of it, and went their ways, one to his own farm, another to his merchandise; |
| samtang ang uban nanagdakop sa iyang mga ulipon, ug ilang gidagmalan ug gipamatay sila. | and the rest laid hold on his servants, and treated them shamefully, and killed them. |
| Ug ang hari nasuko, ug gipaadtoan niya sa iyang mga sundalo ug gipapatay ang maong mga mamumuno ug gipasunog ang ilang siyudad. | But the king was wroth; and he sent his armies, and destroyed those murderers, and burned their city. |
| Ug siya miingon sa iyang mga ulipon, `Andam na ang kombira sa kasal, apan dili takus kadtong mga dinapit. | Then saith he to his servants, The wedding is ready, but they that were bidden were not worthy. |
| Busa pangadto hinoon kamo sa kadalanan, ug bisan kinsay inyong ihibalag didto, dapita ninyo sila sa kombira.` | Go ye therefore unto the partings of the highways, and as many as ye shall find, bid to the marriage feast. |
| Ug ang mga ulipon miadto sa kadalanan ug ilang gitigum ang tanan nga ilang gihibalag, mga dautan ug mga maayo; ug ang kombirahan sa kasal napuno sa mga dinapit. | And those servants went out into the highways, and gathered together all as many as they found, both bad and good: and the wedding was filled with guests. |
| "Apan sa pagsulod sa hari aron sa pagtan-aw sa mga dinapit, nakita niya didto ang usa ka tawo nga wala magsul-ob ug bisti alang sa kombira sa kasal; | But when the king came in to behold the guests, he saw there a man who had not on a wedding-garment: |
| ug siya miingon kaniya, `Migo, naunsa ba nga misulod ka man dinhi nga wala magsul-ob ug bisti nga angay sa kasal?` Ug ang tawo wala makatingog. | and he saith unto him, Friend, how camest thou in hither not having a wedding-garment? And he was speechless. |
| Ug ang hari miingon sa iyang mga sulogoon, `Gapusa ninyo siya sa tiil ug kamot, ug ilabay ninyo siya ngadto sa labawng kangitngitan sa gowa; didto ang mga tawo managpanghilak ug managkagot sa ilang mga ngipon.` | Then the king said to the servants, Bind him hand and foot, and cast him out into the outer darkness; there shall be the weeping and the gnashing of teeth. |
| Kay daghan ang gipanagtawag apan diyutay ra ang pagapilion." | For many are called, but few chosen. |
| Ug milakaw ang mga Fariseo ug nanagsabut sila kon unsaon nila sa pagbitik kang Jesus pinaagi sa iyang isulti. | Then went the Pharisees, and took counsel how they might ensnare him in [his] talk. |
| Ug ilang gipaadtoan siya sa ilang mga tinun-an, kinuyogan sa mga Herodianhon, sa pag-ingon kaniya, "Magtutudlo, nasayud kami nga ikaw maminatud-on, ug nga ikaw sa minatuod nagatudlo sa dalan sa Dios, ug nga wala ka magsapayan sa tawo sanglit wala ka man magtan-aw sa panagway sa mga tawo. | And they send to him their disciples, with the Herodians, saying, Teacher, we know that thou art true, and teachest the way of God in truth, and carest not for any one: for thou regardest not the person of men. |
| Busa tug-ani kami unsay imong paghunahuna niini. Uyon ba sa balaod ang pagbayad ug buhis kang Cesar, o dila ba?" | Tell us therefore, What thinkest thou? Is it lawful to give tribute unto Caesar, or not? |
| Apan si Jesus, sa naila niya ang ilang pagkamadinauton, miingon kanila "Mga maut, nganong inyo man akong sulayan? | But Jesus perceived their wickedness, and said, Why make ye trial of me, ye hypocrites? |
| Pakitai akog kuwarta nga igbubuhis." Ug ilang gidala kaniya ang kuwarta nga usa ka denario. | Show me the tribute money. And they brought unto him a denarius. |
| Ug si Jesus miingon kanila, "Kang kinsa man kining dagway ug kining nahisulat?" | And he saith unto them, Whose is this image and superscription? |
| Sila mitubag nga nag-ingon, "Kang Cesar." Ug siya miingon kanila, "Nan, bayri ninyo si Cesar sa mga butang nga iya ni Cesar, ug ang Dios sa mga butang nga iya sa Dios." | They say unto him, Caesar's. Then saith he unto them, Render therefore unto Caesar the things that are Caesar's; and unto God the things that are God's. |
| Ug sa ilang pagkadungog niini, nahitingala sila; ug ilang gibiyaan siya ug nanglakaw sila. | And when they heard it, they marvelled, and left him, and went away. |
| Ug sa maong adlaw giadto siyag mga Saduceo, mga tawo nga nanag-ingon nga walay pagkabanhaw; ug gipangutana siya nila | On that day there came to him Sadducees, they that say that there is no resurrection: and they asked him, |
| nga nanag-ingon, "Magtutudlo, si Moises nag-ingon, `Kon ang usa ka lalaki mamatay nga walay anak, ang iyang igsoong lalaki kinahanglan mangasawa sa balo ug magpaliwat ug mga anak alang sa iyang igsoon.` | saying, Teacher, Moses said, If a man die, having no children, his brother shall marry his wife, and raise up seed unto his brother. |
| Karon, diha kanamoy pito ka mga magsoong lalaki; ang nahauna nagminyo ug unya namatay, ug tungod kay wala man siya mga anak, ang asawa niya gipangasawa sa iyang igsoon. | Now there were with us seven brethren: and the first married and deceased, and having no seed left his wife unto his brother; |
| Mao usab ang nahitabo sa ikaduha ug sa ikatulo, ug hangtud sa ikapito. | in like manner the second also, and the third, unto the seventh. |
| Tapus nilang tanan, ang babaye namatay usab. | And after them all, the woman died. |
| Nan, sa pagkabanhaw ni kinsa man sa pito maasawa siya? Kay silang tanan nakahupot man kaniya." | In the resurrection therefore whose wife shall she be of the seven? for they all had her. |
| Apan kanila mitubag si Jesus nga nag-ingon, "Nangasayop kamo kay wala kamo makasabut sa kasulatan o sa gahum sa Dios. | But Jesus answered and said unto them, Ye do err, not knowing the scriptures, nor the power of God. |
| Kay sa pagkabanhaw dili na sila magapangasawa o magapamana, kondili mahisama na sila sa mga manolunda didto sa langit. | For in the resurrection they neither marry, nor are given in marriage, but are as angels in heaven. |
| Ug mahitungod sa pagbanhaw sa mga patay, wala ba ninyo hibasahi ang gisulti kaninyo sa Dios nga nag-ingon, | But as touching the resurrection of the dead, have ye not read that which was spoken unto you by God, saying, |
| `Ako mao ang Dios ni Abraham, ug ang Dios ni Isaac, ug ang Dios ni Jacob`? Siya dili Dios sa mga patay, kondili sa mga buhi." | I am the God of Abraham, and the God of Isaac, and the God of Jacob? God is not [the God] of the dead, but of the living. |
| Ug sa pagkadungog niini sa panon sa katawhan, nahitingala sila sa iyang pagpanudlo. | And when the multitudes heard it, they were astonished at his teaching. |
| Apan sa pagkadungog sa mga Fariseo nga napahilum niya ang mga Saduceo, sila nanagtapok. | But the Pharisees, when they heard that he had put the Sadducees to silence, gathered themselves together. |
| Ug usa kanila, nga batid sa kasugoan, may gipangutana kaniya aron sa pagsulay kaniya. | And one of them, a lawyer, asked him a question, trying him: |
| Miingon siya, "Magtutudlo, unsa man ang dakung sugo sa kasugoan?" | Teacher, which is the great commandment in the law? |
| Ug si Jesus miingon kaniya, "Higugmaa ang Ginoo nga imong Dios sa tibuok mong kasingkasing, ug sa tibuok mong kalag, ug sa tibuok mong salabutan. | And he said unto him, Thou shalt love the Lord thy God with all thy heart, and with all thy soul, and with all thy mind. |
| Mao kana ang daku ug unang sugo. | This is the great and first commandment. |
| Ug ang ikaduha sulosama ra, nga mao kini, Higugmaa ang imong silingan sama sa imong kaugalingon. | And a second like [unto it] is this, Thou shalt love thy neighbor as thyself. |
| Niining duha ka mga sugo nagasukad ang tibuok nga kasugoan ug ang mga profeta." | On these two commandments the whole law hangeth, and the prophets. |
| Ug samtang nagkatapok ang mga Fariseo, kanila si Jesus may gipangutana, | Now while the Pharisees were gathered together, Jesus asked them a question, |
| nga nag-ingon, "Unsa may inyong paghunahuna mahitungod kang Cristo? Kang kinsa man siyang anak?" Sila mitubag kaniya, "Anak siya ni David." | saying, What think ye of the Christ? whose son is he? They say unto him, [The son] of David. |
| Siya miingon kanila, "Nan, ngano man lagi nga si David, dinasig sa Espiritu, nagtawag man kaniya nga Ginoo, sa iyang pag-ingon: | He saith unto them, How then doth David in the Spirit call him Lord, saying, |
| `Ang Ginoo miingon sa akong Ginoo: Lumingkod ka sa akong too, hangtud igabutang ko ang imong mga kaaway diha sa ilalum sa imong mga tiil? | The Lord said unto my Lord, Sit thou on my right hand, Till I put thine enemies underneath thy feet? |
| Kon si David nagtawag kaniya nga Ginoo, unsaon man niya pagkahimong anak ni David?" | If David then calleth him Lord, how is he his son? |
| Ug walay nakatubag kaniyag bisan usa na lang ka pulong, ug sukad niadtong adlawa wala nay nangahas pa sa paghimog mga pagpa-ngutana kaniya. | And no one was able to answer him a word, neither durst any man from that day forth ask him any more questions. |
